College student binaril ng naka-motor

MANILA, Philippines — Dead-on-the-spot ang isang 22-anyos na lalaking college student nang barilin sa national highway  ng Poblacion Dalican, Dinaig, Datu Odin Sinsuat, Maguindanao, kamakalawa ng hapon.

Ang nasawi ay kinilalang si Aljanam Wahab Pilandok, binata, estudyante ng Mindanao State University at residente ng Brgy. Sambulawan, Midsayap, North Cotabato. Batay sa ulat, pasado alas-4:00 ng hapon ay papauwi na sa kanilang bahay ang biktima matapos ang kanyang klase sa MSU at habang naglalakad ay sumulpot ang nakamotorsiklong suspek at walang kaabug-abog na binaril ang una. Nabatid na magtatapos sa kanyang pag-aaral sa susunod na taon ang biktima at ito ay running for cum laude.