3 drug pusher tiklo sa P.5-M shabu
MANILA, Philippines — Tatlong pinaghihinalaang big time drug pusher ang nasakote ng mga operatiba ng Philippine Drug Enforcement Agency (PDEA) at nasamsam ang nasa P.5M halaga ng shabu sa isinagawang drug bust operation sa Taguig City kamakalawa.
Ang mga nasakoteng suspek ay kinilalang sina Wena Barber, 42; Madel Espiritu, 32 at Reynaldo Domingo, 43.
Nasakote ang mga suspek ng mga operatiba ng PDEA Regional Office-National Capital Region (PDEA-NCR) sa ilallim ng superbisyon ni Director Ismael Fajardo sa Valdez Street, Upper Bicutan, Taguig City.
Bago ang operasyon, sinabi ng opisyal na isinailalim sa masusing surveillance operations ang mga suspek matapos silang makatanggap ng impormasyon hinggil sa aktibong pagtutulak ng mga ito ng droga.
Nasamsam mula sa pag-iingat ng mga ito ang humigit kumulang sa isang kilo ng shabu na nagkakahalaga ng P500,000.00.
Hindi na nakapalag ang mga suspek matapos arestuhin ng mga PDEA operatives sa aktong iniaabot ang bahagi ng nakumpiskang droga sa kanilang poseur buyer.
- Latest