Tatay kulong sa pambubugbog sa 2 anak
MANILA, Philippines — Selda ang kinasadlakan ng isang amang seaman matapos na ireklamo ng kaniyang misis ng pambubugbog dalawa nilang anak na lalaki sa Aurora Hills, Baguio City kamakalawa ng hapon.
Ang suspek ay kinilalang si Ruel Cayaban Oller, 39, residente ng No. 40 Bayan Park Village, Aurora Hills ng lungsod.
Ang dalawang anak na kapwa nagtamo ng mga sugat at galos sa katawan ay nakilala namang sina Paul Russel Oller, 18 at Patrick Oller, 19.
Sa ulat, bago nangyari ang insidente dakong ala-1:20 ng hapon sa No. 40 Bayan Park Village, Aurora Hill, Baguio City ay nag-aaway ang suspek at misis nito na sinasaktan ng una kaya’t umawat ang dalawang anak na lalaki.
Pinagbalingan ng suspek ang kanyang galit sa mga anak na ginulpi nitong pareho kung saan kapwa nanlalata na ang dalawang biktima ng tigilan nito.
Hindi naman nagdalawang isip ang misis ng suspek na ipagharap ng reklamo ang asawa sanhi ng pananakit sa dalawa nilang anak.
- Latest