4-anyos Koreano hulog mula 39th floor, todas
MANILA, Philippines — Tiyak na kamatayan ang sinapit ng isang 4-anyos na Koreano makaraang aksidente itong mahulog mula sa ika-39 palapag sa tinitirhan nitong condominium sa Taguig City, kahapon ng tanghali.
Wala nang buhay nang idating sa Saint Luke’s Hospital, Bonifacio Global City (BGC) ang biktimang si Kim Do Young, pansamantalang nanunuluyan sa Two Serendra, Fort Bonifacio ng naturang siyudad, bunsod ng tinamong matinding pinsala sa ulo at katawan matapos itong lumagpak sa ground floor.
Sa report ni Southern Police District (SPD) Police Chief Supt. Tomas Apolinario Jr., dakong alas-12:05 ng tanghali kahapon nang maganap ang insidente sa naturang condominium, harapan ng SM Aura.
Hindi pa mabatid kung naglalaro ang biktima sa terrace ng inookupahang condo unit nang maganap ang pagkahulog nito.
Pagkalagapak ng biktima sa ground floor ay mabilis naman itong dinala sa nabaggit na pagamutan, subalit idineklara ring dead-on-arival ng mga doktor
Patuloy ang isinasagawang imbestigasyon ng Taguig City Police sa nasabing insidente.
- Latest