DOLE nagpaalala sa pay rules sa Bonifacio Day
MANILA, Philippines — Para sa tamang pasweldo ng mga pribadong employer sa Nobyembre 30 o Bonifacio Day ay nagpaalala ang Department of Labor na kung ang empleyado ay hindi nagtrabaho sa nasabing araw, dapat siyang bayaran ng 100% ng kanyang sahod para sa nasabing araw o [(Daily rate + COLA)] x 100%].
Kung siya naman ay nagtrabaho sa nasabing araw, dapat siyang bayaran ng 200% ng kanyang regular salary para sa unang walong oras ng kanyang pasok o Daily rate + COLA x 200%.
Kung mag-o-overtime naman o lampas sa walong oras ang kanyang trabaho, dapat siyang bayaran ng karagdagang 30% ng kanyang hourly rate ng basic daily wage x 200% x 130% x number of hours worked.
Kung magtatrabaho naman ang empleyado sa regular holiday, na natapat sa kanyang rest day o day off ay dapat siyang bayaran ng karagdagang 30% ng kanyang daily rate na 200% o daily rate + COLA x 200% + 30% (Daily rate x 200%.
Sakali namang nais niyang mag-overtime sa nasabing regular holiday na natapat sa kanyang araw ng pahinga, dapat pa siyang bayaran ng karagdagang 30% ng kanyang hourly rate sa nasabing araw o hourly rate of the basic daily wage x 200% x 130% x 130% number of hours worked.
- Latest