4 katao nagbigti

MANILA, Philippines — Apat katao kabilang ang isang babaing estud­yante sa kolehiyo ang nagbigti sa magkakahiwalay na insidente.

Sa Imus, Cavite natagpuang nakabigti ang kasambahay na si Fatima Maulana, 23, ng kanyang amo sa banyo kamakalawa ng alas-6:15 ng gabi gamit ang plastic straw.

Hindi naman matanggap ng driver na si Blas Utang Jr., 41, ng Area A, Gate 7 Parola Compound, Tondo, Maynila ang pag-iwan sa kanya ng kanyang live in partner at sa labis na depresyon ay nagbigti ito dakong alas-4:30 ng hapon sa kanyang bahay.

Una nang nag-suicide ang biktima sa paglaklak ng silver cleaner subalit naagapan ito.

Patuloy ang imbestigasyon ng pulisya ng Digos City, North Cotabato sa motibo nang pagbibigti sa puno ng 20-anyos na kolehiyala ng Cor Jesus College na itinago ang  pangalan, residente ng Barangay Aplaya, Digos City.

Isang preso na nakila­lang si Carlos Khen Cabillon Bongabpng, 31 ang natagpuan ng mga kakosa na nakabigti sa banyo ng Bunawan Police Station sa Davao City, dakong alas-6:20 ng gabi.

Ang biktima ay may kasong pambubugbog sa kababaihan.-