Mga konektado sa NPA aarestuhin
Ang pahayag ay ginawa ni Pangulong Rodrigo Duterte sa harap ng mga miyembro ng Light Reaction Regiment sa Fort Magsaysay, Nueva Ecija kamakalawa ng gabi dahil sa alam nito na nagsasabwatan ang NPA at legal fronts para pabagsakin ang gobyerno at maghasik ng karahasan. AFP/File
Magsagawa na kayo ng demonstrasyon, wala akong pakialam!-Duterte...
MANILA, Philippines — Ipapaaresto ni Pangulong Rodrigo Duterte ang lahat ng legal fronts ng New People’s Army (NPA) na kinabibilangan ng mga militanteng grupo, mga kasapi ng Communist Party of the Philippines (CPP) at National Democratic Front (NDF).
Ito ang naging babala ni Duterte matapos tuluyang kanselahin ng gobyerno ang peace talks sa communist movement.
Ang pahayag ay ginawa ni Pangulong Duterte sa harap ng mga miyembro ng Light Reaction Regiment sa Fort Magsaysay, Nueva Ecija kamakalawa ng gabi dahil sa alam nito na nagsasabwatan ang NPA at legal fronts para pabagsakin ang gobyerno at maghasik ng karahasan.
“Huwag na lang tayo magbolahan galing ako diyan eh.You are helping each other to topple or whatever to sow terro. We will treat you as a criminal, period. And we will arrest everybody connected, and ‘yung mga legal fronts nila. Magdemand na kayo, magrebolusyon kayo, o anong gawin niyo wala akong pakialam basta ibalik ko kayo as a terrorist group,” pagwawakas ni Pangulong Duterte.
Muli ding inihayag ni Pangulong Duterte na kanyang idedeklara ang NPA bilang teroristang grupo at tatratuhin bilang mga kriminal.
- Latest
