B-day boy nalunod sa pool
MANILA, Philippines — Nauwi sa trahedya ang pagdiriwang ng ika-7 kaarawan ng isang batang lalaki matapos na aksidenteng malunod sa swimming pool ng isang resort sa Poblacion, Itogon, Benguet kamakalawa ng hapon.
Hindi na umabot ng buhay sa ospital ang biktima na kinilalang si Jian Cayapa, Grade 1 pupil, residente ng Binanga Norte, Tuding , Itogon ng lalawigan.
Batay sa ulat, bago nangyari ang insidente dakong alas-2:30 ng hapon ay nagtungo ang pamilya Cayapa sa Mountain View Resort, Level 1300, Poblacion, Itogon upang doon idaos ang ikapitong taong kaarawan ng biktima.
Dahilan umano sa sobrang abala sa dami ng bisitang dumalo ay nakalingat ang ina at nagtungo ang biktima sa pang-matandang swimming pool kasama ang kuya nitong isa ring paslit.
Nagulantang na lang ang pamilya ng biktima nang humahangos na tumakbo ang kuya para sabihing nalunod sa swimming pool ang kapatid na napagawi sa malalim na bahagi.
- Latest
