CPP-NPA mga terorista kayo!-DU30
MANILA, Philippines — Sa ikalawang pagkakataon ay muling binansagan ni Pangulong Rodrigo Duterte ang Communist Party of the Philippines-New People’s Army (CPP-NPA) na mga terorista.
Ito ay may kaugnayan sa pagkamatay ng isang 4 buwang sanggol at pulis sa ginawang pag-ambush ng mga rebeldeng NPA noong Nobyembre 9 sa Brgy. Tikalaan, Talakag Bukidnon.
Kaya hindi na interesado si Pangulong Duterte na makipag-usap sa mga CPP-NPA para sa peace talks at sa halip ay plano ng punong ehekutibo na mag-isyu ng proklamasyon na maglalagay sa CPP-NPA sa terror list.
“Here is the most important thing, I will recognize them as a legitimate rebellious but with their continued deprivations, and killing innocent people and even an infant, 4 months old, I’ll be issuing a proclamation. I will remove them from the category of illegal entity or atleast a semi movement which would merit our attention…. pareho din sa America, terrorist. So beginning from now, wala nang rebellion rebellion because rebellion is a slight offense. It can be bailable. It’s up for the leader. We will file terrorist murder…arson…with murder, lahat na! Because I would consider them as criminals already.”
Hangga’t mayroong pinapatay na sibilyan ang CPP-NPA ay wala nang maaasahan na usapang pang-kapayapaan at idinagdag pa ni Duterte na nagsasawa na siya sa mga pinaggagawang kalokohan ng mga makakaliwang grupo at hindi ititigil ang kanilang pagtugis sa mga komunistang grupo.
“Ngayon, kung corrupt ako, kung pasista ako, kung mamamatay tao ako at DDS ako, then why talk to me?! Go find somebody else.Tapos they say that they fight for the people? What a lousy statement actually. Ayokong makipag-usap sa kanya.Magpapahinga lang mga sundalo ko but we will also go to the offensive,” wika ni Duterte.
- Latest
