200 preso sa QC Jail pinalaya
MANILA, Philippines — Nasa 200 preso sa Quezon City Jail ang pinalaya matapos isagawa ang “judgement day, mass promulgation at marathon hearing” sa kani-kanilang mga kaso kamakalawa.
Karamihan sa mga pinalaya ay may kinaharap na ‘petty crimes’ na matagal ng nakakulong pero “usad-pagong” ang kanilang kaso sa korte.
Ang pagpapalaya sa 200 preso ay bahagi ng programa ng Bureau of Jail Management and Penology (BJMP) at Department of Justice (DOJ).
Target ng BJMP na makapagpalaya ng 800 detenido sa loob ng QCJ sa susunod na buwan o bago matapos ang taong kasalukuyan.
Nabatid na ang QCJ ay may kapasidad lamang na 700 preso, pero sa kasalukuyan ay nasa 3,400 ang nakakulong sa nasabing piitan.
Ang programang “judgement day” ng BJMP at DOJ ay hindi lamang sa QC isasagawa bagkus ay sa buong bansa upang ma-decongest ang mga piitan na sobrang siksikan na.
- Latest