Seaman nasunog nang buhay
MANILA, Philippines — Isang bagong baba na seaman ang nasunog nang buhay matapos na hindi makalabas sa lumiyab na multicab na bumangga sa isang tulay ng Malaang malapit sa hangganan ng Brgy. Saguing at Poblacion, Makilala, North Cotabato.
Ang nasawi ay kinilalang si Evan Jim Palero, 23, residente ng Poblacion ng nabanggit na bayan. Habang nakaligtas ang dalawang kaanak na sakay din nang nasunog na multicab na kinilalang sina Dan Martin Palero at Daniel Fernandez.
Batay sa ulat, bago nangyari ang aksidente dakong alas-2:36 ng madaling araw ay galing ng Kidapawan City ang mga biktima at pauwi na sa Poblacion nang bumangga ang sinasakyang multicab (1230-091253) sa nasabing tulay at biglang nagliyab.
Mabilis na rumesponde ang mga otoridad at makalipas ang limang minuto ay naapula ang sunog at narekober ang sunog na bangkay ng biktima.
- Latest
