Pang-Masa ( Leaderboard Top ), pagematch: 1, sectionmatch: 1

23 alkalde, gobernador, inalisan ng police power

MANILA, Philippines — Humaba pa ang listahan ng mga alkalde na tinanggalan ng police power dahil umano sa pagkakadawit ng mga ito sa iligal na droga.

Umaabot na sa 23 ma­yors at isang gobernador ang tinanggalan ng police power o kapangyarihan sa pulisya sa kanilang mga bayan at lalawigan, ayon sa National Police Commission (NAPOLCOM ) kahapon.

Ayon sa resolusyon na pinagtibay ni Interior and Local Government Secretary at Napolcom Chairman Catalino Cuy, kabilang sa mga ito ay sina Sinacaban, Misamis Oriental Mayor Crisinciano Mahilac; Lopez Jaena, Misamis Occidental Mayor Michael Gutierrez; Sapang Dalaga, Misamis Occidental Mayor Donjie Animas; Oroquieta City, Misamis Occidental Mayor Jason Almonte; Concepcion, Misamis Occidental Mayor Juanidy Viña; Calamba, Misamis Occidental Mayor Ezel Villanueva; Pasuquin, Ilocos Norte Mayor Ferdinand Aguinaldo.

Ang iba pa ay sina Concepcion, Tarlac Mayor Andres Lacson; Angeles, Pampanga Mayor Edgardo Pamintuan; Subic, Zambales Mayor Jefferson Khonghun; Camiling, Tarlac Mayor Erlon Agustin; Ronda, Cebu Mayor Mariano Blanco; Santo Niño, South Cotabato Mayor Pablo Matinong Jr; Libungan, North Cotabato Mayor Christopher Cuan; Banga, South Cotabato Mayor Albert Palencia; Midsalip, Zamboanga del Sur Mayor Leonida Angcap; El Nido, Palawan Mayor Niever Cabunalda-Rosento, at Bataraza, Palawan Mayor Abraham Ibba.

Samantalang sa kaso naman ni Zamboanga del Sur Governor Antonio Cerilles, ang kaso nito ay abuse of authority matapos na umano’y mabigong patawan ng kaparusahan ang isang alkalde sa kanilang lalawigan na umano’y sangkot sa illegal drug trade.

Nabatid na ang pagtatanggal ng kapangyarihan sa pulisya ay alinsunod sa resolusyon na nilagdaan mismo ni Cuy na isinapubliko ng mga opisyal ng NAPOLCOM kahapon.

Pang-Masa ( Article MRec ), pagematch: 1, sectionmatch: 1

Magugunita na nitong nakalipas na Martes ng hapon ay una nang tinanggalan ng police power ng NAPOLCOM sina Lemery, Batangas Mayor Eulalio Alilio; Teresa, Rizal Ma­yor Raul Palino; Tanauan, Batangas Mayor Antonio Halili; Rodriguez, Rizal Mayor Cecilio Hernandez at San Pablo Mayor Loreto Amante  kaugnay ng pagkakasangkot sa illegal na droga.

Pang-Masa ( Article MRec ), pagematch: 1, sectionmatch: 1
  • Follow Us: