4 katao utas sa salpok
MANILA, Philippines — Apat katao na galing sa inuman ang nasawi matapos na sumalpok sa puno ang kanilang kotse kahapon ng madaling araw sa Roxas City, Capiz.
Ang mga nasawi ay kinilalang sina Johnbert Chingo, 29; Patrick James Llave, 20; Jomer Baes, 20; at Bryan Macalintal, 21.
Ang mga nasugatan ay kinilalang sina Gurparkash Singh, driver ng kotse at isa pang pasaherong si Joy Gico, 22.
Batay sa ulat, dakong alas-2:40 ng madaling araw nang maganap ang aksidente sa Brgy. Baybay malapit sa hilera ng mga restaurant, bar at beach resort sa lungsod.
Nabatid na minamaneho ni Singh ang kulay itim na Mitsubishi Mirage (ABS-3623) patungo sa hilagang direksyon nang rumampa ito sa gutter at sumalpok sa puno ng niyog na ikinasawi at ikinasugat ng mga biktima.
- Latest
