Indian trader dinukot
MANILA, Philippines — Isang negosyanteng Indian national ang hinarang at dinukot ng mga armadong suspek habang siya ay sakay ng motorsiklo at bumabagtas sa kahabaan ng Putol-Magdalo Road, Barangay Putol, Kawit, Cavite, kahapon.
Ang biktima ay kinilalang si Harjinder Singh Talwar, 44, alias Jhonny, may asawa, ng Carenville Subd., Brgy. Putol ng nasabing bayan.
Ayon sa ulat, kahapon ng alas-8:30 ng umaga nang ireport ng misis na si Nory, 50-anyos sa pulisya ang pagdukot sa kanyang mister dakong alas-7:10 ng umaga habang sakay ito ng kanyang Honda Beat na walang plaka ng mga suspek na sakay umano ng Toyota Innova (AAB-7376), kulay abo na humarang sa biktima at sapilitan itong isinakay.
Hanggang sa kasalukuyan ay wala pang natatanggap na tawag o text ang pamilya mula sa mga suspek.
- Latest
