Ex- DOTC chief Abaya kinasuhan sa MRT maintenance deal
MANILA, Philippines — Nagsampa kahapon ng kasong graft ang Department of Transportation laban sa 30 dating mga opisyal ng Department of Transport and Communication na pinangunguna ni dating secretary Joseph Emilio Aguinaldo Abaya na may kaugnayan sa umano’y maanomalyang kontrata sa service provider ng MRT-3.
Noong nakaraang linggo ay ipinagbigay alam ng gobyerno ang MRT service provider Busan Universal Rail Inc. (BURI) na kakanselahin na nila ang P3.8 billion kontrata dahil sa mga nagaganap na mga pagtirik ng tren ng MRT.
Pinangunahan ni Transport Undersecretary Reinier Paul Yebra ang pagsampa ng 29 pahinang reklamo laban sa BURI na may “anomalya” at may “iregularidad” umano ang kontrata.
Ayon kay Yebra na nakuha ng Busan Joint Venture (JV) ang kontrata sa pag-maintain ng maintaining MRT systems, pag-overhauling ng tren at pagpapalit ng signalling system noong December 21, 2015.
- Latest