Bangkay ng babae sa bakanteng lote

MANILA, Philippines — Isang hindi pa kilalang bangkay ng babae ang natagpuan kahapon ng umaga sa isang bakanteng lote sa Quirino Highway, Quezon City.

Inilarawan ng pulisya ang natagpuang bangkay ng babae na nasa pagitan ng edad 20-24, mahaba ang buhok at nakasuot ng sando at short pants.

Puno ng pasa at duguan ang katawan ng hindi pa kilalang babae nang ito ay matagpuan dakong alas-5:00 ng umaga sa bakanteng lote. 

Batay sa pagsisiyasat ng mga nagrespodeng tauhan ng Scene of the Crime Operatives (SOCO) ng QCPD, posibleng pinatay ang babae sa ibang lugar at doon lamang itinapon ng hindi pa nakikilalang mga suspek.

Nagsasagawa pa ng masusing imbestigasyon ang pulisya para matukoy ang pagkakakilanlan ng biktima.