500 sundalo sa Marawi pinauwi na
MANILA, Philippines — Pinauwi na ang nasa 500 sundalo na nakadeploy sa Marawi City matapos na mapaslang ang mga matataas na lider ng Maute-Islamic State of Iraq and Syria (ISIS) na siya ring naging hudyat upang ideklarang malaya na ang lungsod sa teroristang grupo.
Kahapon lulan ng C130 plane ay dumating na sa Villamor Air Base bandang alas-4:00 ng hapon ang isang batalyon o 500 sundalo na tropa ni Col. Christopher Tampus, Commander ng 1st Infantry “Always First” Battalion ng 2nd Infantry Division ng Philippine Army.
Si Tampus at tatlo pang company commander ng Army’s 1st Infantry Battalion ay ginawaran ng Silver Cross Medal.
Nabatid na bahagi ng tropa ni Tampus ay mangangalaga sa seguridad sa gaganaping Association of Southeast Asian Nations (ASEAN) Leaders Summit sa darating na Nobyembre.
Inihayag naman ni Galvez na ang anim pang batalyon ng mga sundalo ay mananatili muna sa Marawi City para tumulong sa isasagawang rehabilitasyon sa pagbangon ng lungsod matapos sumiklab ang gulo noong Mayo 23 na kung saan ay umaabot na sa 1,108 ang nasawi at ang 897 dito ay Maute-ISIS, habang ang 164 ay mga sundalo at 47 naman ang sibilyan.
- Latest