Baha sa Zambo: 7 nalunod

MANILA, Philippines — Umabot na sa 7 katao ang nalunod sa mga pagbaha sa Zamboanga City dulot ng inter-tropical convergence zone at Bagyong Paolo kaya’t isinailalim na  sa state of calamity ang lungsod.

Sa ulat ng City Social Welfare and Development Office dahil sa matinding pagbaha at storm surge nasa 3,666 na pamilya na o 18,330 na indibidwal ang naapektuhan mula sa 17 coastal barangays.

Sa sektor ng agrikultura, sinabi ni City Agricultu­rist Diosdado Palacat na 1,150 na mga magsasaka ang apektado makaraang masira ang 310 na ektarya ng tanim na palay, 477 na ektarya ng pananim na mais at 144 na ektarya ng pananim na gulay.

Tinatayang aabot sa P45.970 milyon ang halaga ng pinsala ng pagbaha sa agrikultura.