CIA nais akong patalsikin-DU30
MANILA, Philippines — Ibinulgar kamakalawa ng gabi ni Pangulong Rodrigo Duterte sa kanyang mensahe sa Hotel Sofitel na nais ng Central Intelligence Agency (CIA) ng Estados Unidos na patalsikin siya sa puwesto.
“Now they say the CIA wanted me out of the government, I believe so but not really but they would have prepared another one. But one thing is very sure is they do not like me. And I do not like them also,” wika pa ni Pangulong Duterte.
Noong nakaraang Disyembre ay itinanggi na ng US embassy sa Pilipinas na mayroong plano si former US Ambassador Philip Goldgberg na tumulong para patalsikin sa puwesto ang chief executive.
Nauna rito, ibinunyag ni Pangulong Duterte na may plano din ang CIA na patayin siya upang mapalitan ito sa Malacañang.
Ang reaksyon ni Duterte kamakalawa ng gabi ay bilang sagot sa 2 US democrat lawmakers na nagsabing magsasagawa sila ng protesta kapag bumisita sa White House ang lider ng Pilipinas.
“I was invited by (President Donald) Trump to go there. And here comes two senators from the US Congress saying, ‘We will protest if he goes there’. And I answered, ‘Who told you I’ll go there?’” wika pa ni Duterte sa kanyang speech kamakalawa ng gabi.
- Latest
