Patay na sanggol sa backpack
MANILA, Philippines — Isang patay na sanggol na nakalagay sa backpack ang natagpuan sa basurahan ng isang condominium kamakalawa ng hapon sa Pasay City.
Sa ulat, dakong alas-3:55 ng hapon nang matagpuan ng mangangalakal ng basura na si Mariel Dela Torre, 36 ang backpack sa basurahan ng Central Park II Condominium sa D. Jorge St., Brgy. 132 ng lungsod.
Sa pag-aakalang may laman na mapapakinabangan ay agad niya itong binuksan at ganun na lamang ang kanyang pagkagulat na ang laman ay isang patay na bagong silang na sanggol.
Kaagad niya itong sinabi sa sekyu ng condo na siya namang nag-report sa pulisya.
Bagama’t may CCTV sa lugar ay hindi naman ito gumagana kaya’t blangko ang pulisya kung sino ang nagtapon ng backpack na may patay na sanggol.
- Latest