2 sangkot sa droga, itinumba
Minamasdan ng miyembro ng Scene of the Crime Operatives ang bangkay ng isang lalaki na umano’y sangkot sa droga matapos barilin ng hindi pa kilalang mga suspek na sakay ng motorsiklo sa kahabaan ng Tramo St., Pasay City kamakalawa.Miguel De Guzman
MANILA, Philippines — Dalawang lalaki ang nasawi nang pagbabarilin ng mga nakamotorsiklong biktima kamakalawa ng gabi sa Pasay City.
Batay sa ulat, dakong alas-9:00 ng gabi nang pagbabarilin at mapatay ng anim na lalaki na sakay ng tatlong motorsiklo ang biktimang si Rolando Almojela, 40, construction worker, ng Tramo St., Brgy. 48, sa harap mismo ng kanyang walong taong gulang na anak na lalaki.
Bago tumakas ang mga suspek ay nag-iwan ang mga ito ng karatula sa gilid ng bangkay ng biktima na nakasaad, “Marami pa ang susunod na mamamatay, umiwas na kayo sa droga.”
Makalipas ang sampung minuto pinagbabaril din at napatay ng tatlong pa ring riding-in-tandem criminals ang biktimang si Andi Parpan, 38, isa umanong drug runner sa Tramo St. Brgy. 43 sa naturang lungsod habang ito ay nakatayo.
- Latest
