2 Sayyaf bomber nadakip

MANILA, Philippines — Nadakip ng tropa ng militar ang dalawang Abu Sayyaf Group bomb expert kaya’t nasilat ang planong pambobomba ng mga bandido sa Zamboanga City.

Ayon kay AFP Western Mindanao Command (AFP-Westmincom) Spokesperson Captain Jo-ann Petinglay, unang  nasakote ang Abu Sayyaf bomber na si Omar Askali alyas Ayub, tauhan ni Basilan base Abu Sayyaf Commander Furuji Indama sa kahabaan ng Governor Lim Avenue sa lungsod na ito at narekober ang isang granada, cellular phone at dalawang identification card.

Lumilitaw pa sa imbestigasyon na bukod kay Askali ay  isang Mukara Sapie alyas Mukram /Shayif ang ipinadala rin ni Indama  para magsagawa ng pambobomba sa Brgy. Taluksangay ng lungsod na naaresto sa follow-up operation at nakumpiska ang IED at isang cal .45 pistol.