Trike driver utas sa ambush
MANILA, Philippines — Dead-on-the-spot ang isang tricycle driver nang ito ay pagbabarilin ng riding-in-tandem habang namamasada kamakalawa sa Barangay Hulo, Mandaluyong City.
Ang nasawi ay kinilalang si Jade Manuel, 26, ng Coronado St., ng nasabing barangay.
Batay sa ulat, bago nangyari ang krimen dakong alas-5:45 ng hapon ay namamasada ang biktima at pagdating sa Makati-Mandaluyong Bridge ay doon na siya pinagbabaril ng mga suspek na sakay ng isang motorsiklo.
Agad na tumakas ang mga suspek nang masigurong patay na ang biktima patungo sa direksyon ng Makati City.
Paniniwala naman ng pamilya nito na posibleng mistaken identity ang nangyari dahil wala sila umanong alam na kaaway ang biktima, na kilala sa pagiging masipag sa paghahanapbuhay at tumutulong pa sa pagpapaaral ng kanyang mga pinsan.
- Latest