Pintor iniwan ng nobya, nagbigti

MANILA, Philippines — Hindi umano matanggap ng isang pintor na kinilalang si Joel Atadlan, nasa hustong gulang ang ginawang pag-iwan sa kanya ng nobya at nang hindi makaya ang depression ay nagbigti ito sa loob ng kanyang bahay sa Purok Masagana, Barangay Rosary Heights 10, Cotabato City.

Lumalabas sa im­bestigasyon na pasado alas-7:00 ng gabi nang madiskubreng patay ang biktima ng kanyang mga kaanak.

Ayon sa mga kaanak na hiniwalayan umano ang biktima ng nobya dahil sa pagiging lasenggero umano nito.

Nabatid na una nang nagtangkang magbigti ang biktima, subalit naagapan lang.