Obrero utas nang malaglag mula sa ika-3 palapag
MANILA, Philippines — Dead-on-the-spot ang isang construction worker nang mabagok ang ulo matapos na malaglag mula sa ikatlong palapag ng gusaling kanilang itinatayo sa Caloocan City, kamakalawa ng gabi.
Ang nasawi ay kinilalang si Randy Nachor, nasa hustong gulang at tubong Sta. Cruz Buhi, Camarines Sur at stay-in sa construction site sa Block 12, Palos corner Pla-Pla Street, Brgy. 12 ng lungsod.
Batay sa ulat, bago nangyari ang aksidente dakong alas-10:00 ng gabi sa gusali na gagawin umanong isang medical facility ay paakyat sa ikatlong palapag si Nachor bitbit ang dalawang hollowblocks nang gumuho ang inaapakan nitong scaffolding dahilan para diretsong bumagsak sa ibaba na dahilan ng kanyang pagkamatay.
Nang suriin ang lugar ng mga otoridad ay nakita na walang sapat na safety harness ang mga manggagawa at sa halip ay safety net ang nakakabit sa maaaring bagsakan ng tao o materyales.
- Latest
