Army opisyal, 7 pa timbog sa droga
MANILA, Philippines - Walong katao kabilang ang isang opisyal ng Philippine Army ang naaresto sa isang drug raid ng Philippine Drug Enforcement Agency (PDEA)-Region 10 sa loob ng isang motel na matatagpuan sa Propia St., Malaybalay City, Bukidnon.
Kinilala ang mga naaresto na sina Geoff Augustus Silabay, nurse; Lorenzo Victor Aldeguer,anak ng dating Vice Mayor Victor Aldeguer; 2nd Lt. Arthur Rey Aranggo ng 7th ID ng PA; Shinray Dumaguit, seaman; Maria Lourdes Velencia; Juliet Kane Cruspero, kapwa mga estudyante; Roger Hernandez, magsasaka at; Alinor Elias na isang Marawi evacuee.
Ayon kay PDEA agent spokesperson GM Gomez na nagsagawa sila ng buy bust operation laban kay Silabay at magaganap ito sa isang motel sa Propia St.na kung saan nang pasukin ang silid ay tumambad ang 7 suspek na bumabatak umano ng shabu.
Nakuha mula kay Silabay ang limang sachets ng suspected shabu na nagkahalaga ng P135,000, drug paraphernalias, cellphones at isang sasakyan.
Itinuro ni Silabay si Elias na siyang nagsusuplay ng shabu sa kanya na naaresto sa isinagawang follow-up operation.
- Latest
