Terrorist attack sa Nigeria at Pakistan, kinondena
MANILA, Philippines - Mariing kinondena ng Pilipinas ang naganap na suicide bombing ng Islamic terrorists sa Nigeria at Pakistan na ikinasawi ng mahigit 50 katao at pagkasugat ng mahigit 100.
“The Philippines joins the international community in condemning the terrorist attacks in Nigeria and Pakistan that took many innocent lives,” ayon kay Foreign Affairs Sec. Alan Peter Cayetano kahapon.
“We stand in solidarity with the governments and peoples of Nigeria and Pakistan as they confront the same threat of violent extremism that we are now also faced with in Mindanao,”’ paliwanag pa ni Sec. Cayetano.
Ayon sa DFA, isang female suicide bomber ang pinasabog ang sarili sa palengke ng Maidorugi City sa Northeast ng Nigeria noong Martes kung saan 27 katao ang nasawi. May 2 suicide bomber din ang umatake naman malapit sa refugee camp kung saan ay marami din ang nasaktan nang sumabog ang bomba ng mga ito.
Sa Pakistan naman ay isang suicide bomber ang umatake sa military convoy sa may Quetta City noong Sabado kung saan ay 15 katao ang nasawi at mahigit 40 naman ang nasugatan. Inako ng Islamic State ang responsibilidad sa nasabing insidente.
Nauna rito, nagpalabas ng babala ang DFA sa mga Pinoy sa abroad na maging maingat dahil sa mga terror attack.
- Latest
