Mag-asawa pinasok,tinigok

MANILA, Philippines - Isang mag-asawa ang pinagbabaril hanggang sa mapatay ng hindi pa kila­lang salarin na pumasok sa bahay sa Brgy. Poblacion 5, GMA, Cavite, kamakalawa ng hapon.

Ang mag-asawang nasawi ay kinilalang si Ernesto Jacob, nasa hustong gulang at misis nito na si Ronna, 40, ng Block 6, Lot 13, FVR Barangay Poblacion 5, GMA, Cavite.

Sa ulat, dakong alas -2:30 ng hapon ay nasa loob ng kanilang bahay ang mag-asawa nang tumigil ang isang motorsiklo sa tapat ng bahay na kung saan ay bumaba ang dalawang sakay.

Puwersahang pumasok ang mga suspek sa bahay at walang kaabug-abog na pinagbabaril ang mag-asa­wa.