3 drug suspek pinatay sa QC
MANILA, Philippines - Tatlong lalaki na umano’y sangkot sa droga ang napatay sa magkakahiwalay na lugar sa Quezon City kahapon ng madaling araw.
Unang pinatay ng hindi pa kilalang suspek ang isang alyas Junior, na number 5 drug personality ng Pulong Diablo, E. Rodriguez Sr. Avenue, Brgy. Tatalon ng naturang siyudad at nasamsam ang isang kalibre 45 baril, mga bala, anim na pirasong plastic sachet ng shabu.
Kasunod dakong ala-1:15 ng madaling araw ay napatay ang hindi pa kilalang suspek na ang edad ay nasa 20 hanggang 30, nasa 5’2” ang taas, nakasuot ng kulay berdeng t-shirt na may tatak na Adidas at black gray na short pants at nasamsam ang limang plastic na naglalaman ng shabu.
Ang ikatlo ay naganap alas-2:40 naman kahapon din ng madaling araw ay pinagbabaril at pinatay din ang biktimang si Arturo Patino, 50, mismo sa loob ng tinitirhan nito sa #122 Ilang-Ilang St., Area A, Brgy, Payatas, Quezon City ng isang Jefferson Palaruan na pumasok sa kanyang bahay.
- Latest
