Kongreso handa sa ‘impeach’ Sereno
MANILA, Philippines - Sinabi ni House Speaker Pantaleon Alvarez na kung may mambabatas na mag-endorso sa isinampang impeachment complaint laban kay Chief Justice Maria Lourdes Sereno ay sisimulan na nila ang proseso upang alamin kung may sapat na basehan bago talakayin ng mambabatas.
Magugunita na unang nagsampa ng impeachment ang grupong Volunteers Against Crime and Corruption (VACC) Chairman Dante Jimenez laban kay Sereno sa House Secretary General.
Habang ang ikalawang impeachment complaint na isasampa rin laban kay Sereno ay si Atty. Larry Gadon ay naghihintay pa ng mga mambabatas na mag-eendorso dito.
Agad na magsasagawa ng Committee hearing ang Kamara base sa mga certified true copies sa lahat ng alegasyon laban kay Sereno ng mga naghahain ng impeachment complaint.
Kabilang naman sa basehan ng impeachment complaint laban kay Sereno ay ang betrayal of public trust na isang impeachable offense sa 1987 Constitution, pagbili nito ng Toyota Land Cruiser na nagkakahalaga ng P 5.1 M na umano’y nasa P4.5 M lamang ang orihinal na presyo.
Bukod kay Sereno kabilang pa sa sinampahan ng impeachment complaint sa Kamara ay sina Ombudsman Conchita Carpio-Morales.
Una nang dinismis ng Kamara ang impeachment complaint laban kay Pangulong Rodrigo Duterte habang nakabinbin rin ang isyu ng impeachment laban kay Bise Presidente Leni Robredo.
- Latest
