Kelot ginulpi, binigti sa puno ng mag-ama
MANILA, Philippines - Binugbog muna bago binigti sa puno ng isang mag-ama ang kaaway nilang lalaki kamakalawa ng madaling araw sa Caloocan City.
Ang nasawi ay kinilalang si William Bautista, binata, jobless, at naninirahan sa No. 104 Quezon Street, 6th Avenue, Brgy. 123 East Gracepark ng lungsod.
Nadakip ang isa sa mga suspek na nakilalang si Artemio Aloro, Jr., 21, tricycle driver, ng No. 42 Nuestra Street, Brgy. 116 East Gracepark habang pinaghahanap pa ang ama nitong si Artemio Sr.
Sa inisyal na ulat ng Caloocan City Police, nakatayo sa may kanto ng B. Serrano Street at 6th Avenue ang biktima dakong alas-2:30 ng madaling araw nang pagtulungang gulpihin ng mag-amang Aloro at bigtihin ng lubid at isabit sa isang puno at saka tumakas.
Habang nagsasagawa ng imbestigasyon ang mga pulis, dumaan sa lugar ang suspek na si Artemio Jr. na naituro sa mga pulis ng isa sa mga saksi dahilan ng pagkakadakip sa kanya.
Ang mag-ama Aloro ay kinasuhan ng murder.
- Latest