410 SAF troopers idineploy sa NBP
MANILA, Philippines - Pinangunahan kahapon ni PNP Chief P/Director General Ronald “Bato” dela Rosa ang deployment ng 410 bagong Special Action Force (SAF) sa New Bilibid Prison sa Muntinlupa City, kapalit ng 310 SAF na una nang pinagbantay sa piitan noong Hulyo 20, 2016.
Ang pagpapalit ng mga SAF troopers sa NBP ay upang maiwasan ang ‘unholy alliance’ sa mga nakapiit na drug lord at mga prison guards.
Ang SAF commandos ay itinalagang taga-bantay sa NBP upang sawatain ang illegal drug trade sa piitan gayundin ang pagpasok ng mga illegal na kontrabando.
Sinabi ni Dela Rosa na maaaring manatili ang SAF troopers upang mangalaga sa seguridad at magbantay sa NBP hanggang kinakailangan ang mga ito.
Aminado naman si Dela Rosa na hindi sila sigurado kung 100% na ng mga kontrabando partikular na ang cellular phone at illegal drugs na naipuslit sa NBP compound ng mga high profile inmates ay naharang at nasamsam ng mga SAF commandos.
- Latest
