Pimental bagong Senate President
MANILA, Philippines - Nahalal kahapon bilang bagong pinuno ng Senado para sa 17th Congress si Senator Aquilino “Koko” Pimentel III.
Dalawampung senador ang bomoto para kay Pimentel na ni-nominate ni Senator Vicente “Tito” Sotto III at sinegundahan ni Senator Juan Miguel Zubiri.
Sa nomination speech ni Zubiri na bagaman at nagkaroon sila ng “unfortunate experience” ni Pimentel bilang magkaribal sa posisyon sa Senado ay isinasantabi na nila ito para sa pagkakaisa.
Bukod kina Zubiri at Sotto, bumoto rin ng pabor kay Pimentel sina Senators Panfilo “Ping” Lacson, Joel Villanueva, Nancy Binay, Win Gatchalian, Sonny Angara, JV Ejercito, Richard Gordon, Cynthia Villar, Kiko Pangilinan, Risa Hontiveros, Gregorio Honasan, Franklin Drilon, Leila de Lima, Grace Poe, Manny Pacquiao, Loren Legarda, Franklin Drilon at Bam Aquino.
Tatlong senador naman ang bumoto para kay Senator Ralph Recto para maging bagong minority leader na kinabibilangan nina Pimentel, Senators Antonio Trillanes IV at Francis “Chiz” Escudero.
Nahalal naman bilang bagong Senate President Pro-Tempore si Senator Franklin Drilon, at bagong Majority Leader at chairman ng Senate Committee on Rules si Senator Vicente “Tito” Sotto III.
- Latest
