3 utas sa pagsilbi ng search warrant
MANILA, Philippines – Nasawi ang tatlo katao matapos na manlaban sa mga pulis na nagsisilbi ng search warrant na may kaugnayan sa droga kahapon ng umaga sa Cainta, Rizal.
Ang nasawi ay kinilalang si Jojo Prado, nasa hustong gulang habang inaalam pa ang pagkakakilanlan ng dalawa pang kasama nito.
Batay sa ulat, bago nangyari ang barilan dakong alas-6:00 ng umaga sa Sitio Bagong Silang, Brgy.San Juan ay nagtungo ang pitong pulis sa lugar para maghain ng search warrant dahil na rin sa reklamo ng mga residente na talamak ang bentahan ng droga sa lugar.
Habang isinisilbi ng mga otoridad ang search warrant ay bigla umanong nanlaban ang mga suspek na nagresulta ng kanilang kamatayan.
- Latest