Change must start in us-Duterte

MANILA, Philippines - “That change, if it is to be permanent and significant, must start with us and in us. To borrow the words of F. Sionil Jose: ‘We have become our own worst enemies and we must have the courage and will to change ourselves.’”

Ilan lang ito sa inihayag kahapon ni Pa­ngulong Rodrigo Duterte sa kanyang panunumpa bilang ika-16 na pangulo ng bansa at ang kanyang  layunin ay magkaroon ng tunay na pagbabago sa lipunan at tiniyak na gagawin niya ito na may proseso at naaayon sa batas.

Sinabi ni Duterte sa kanyang inaugural speech, na ang kriminalidad, droga at hindi pagsunod sa batas ay sintomas ng mala­lang sakit sa Pilipinas na nagiging dahilan upang mawalan ng tiwala sa mga lider ng bansa.

Anya, dapat ang mga lider ng bansa ay nakikinig sa hinaing ng mga tao, maramdaman ang kanilang pulso at ibigay ang kanilang panga­ngailangan.

“No leader, however strong, can succeed at anything of national importance or significance unless you have the support and cooperation of the people he is tasked to lead,” wika nito.

Si Duterte, na kila­lang matapang na mayor ay nagwagi dahil sa kanyang kampanya laban sa droga at krimen  na hindi inayunan ng iba’t ibang sektor ang kanyang paraan sa paglaban sa kriminalidad.

“My adherence to due process and rule of law is uncompromising. You mind your work and I will mind mine,” wika ni Duterte.

“The ride will be rough but come join me just the same.”

Inatasan din ni Duterte ang kanyang mga gabinete at iba pang head of agencies na pabilisin ang proseso ng mga aplikasyon sa kanilang mga tanggapan at bawasan ang redundant na mga requirements.

Sa unang pahayag ng kanyang talumpati ay hindi nito binasa ang nakahandang speech at winika ang salitang “Why am I here?”

“I am here. Why? Because I am ready to start my work for the nation,” wika nito.

 “Let me remind in the end of this talk, that I was elected to the presidency to serve the entire country. I was not elected to serve the interests of any one person or any group or any one class. I serve every one and not only one,” giit pa ni President Duterte.