Digong ‘di sasakay sa presidential car
MANILA, Philippines – Mas gusto pang gamitin ni President-elect Rodrigo Duterte ang kanyang sasakyang pick-up sa halip na sumakay sa presidential car kahit pormal na siyang manunungkulan bilang ika-16 na pangulo ng bansa sa June 30.
Anya, hindi niya gagamitin ang presidential car (Mercedes-Benz) dahil mas gusto nitong gamitin ang kanyang sariling Izusu pick-up truck na ginagamit pa niya simula 1988 sa Davao City sa loob ng 30 taon.
Magugunita na ipinaalala ni incoming special assistant to the President Christopher “Bong” Go sa magiging opisyal ng Duterte administration na iwasan ang paggamit ng luxurious vehicles bagkus ay mas nais ni President Rody sa kanyang gabinete na gumamit lamang ng Toyota Avanza.
Mayroong nakatalagang 2 Mercedes Benz na W221 S-Class limousines na binili noong 1998 at isang Mercedes Benz a-600 S-Guard na binili noong 2007.
Maging si outgoing President Benigno Aquino III ay tumangging gamitin din ang presidential car bagkus ay ginagamit nito ang kanyang sariling Toyota Land Cruiser at Lexus.
- Latest
