Political prisoners palalayain ni Digong
MANILA, Philippines – Nakahanda si incoming President Rodrigo Duterte na palayain lahat ng political prisoners sa kanyang termino kabilang ang mag-asawang Benito at Wilma Tiamzon ng CPP-NPA.
Subalit, ang lahat ng political prisoners na kanyang palalayain ay dapat lumahok sa peace talks sa gobyerno.
“Lahat ng political prisoners. If it is a workable plan already to assimilate them back in our society, they are confident that this government will really work for everybody especially for the poor. And alam nila na hindi kinukurakot ang pera ng bayan. If they are satisfied that we’re doing it or will be doing it, then I will back to the folds of the law,” wika pa ni Duterte sa media interview sa Davao City.
Aniya, ang mga kasong isinampa sa mag-asawang Tiamzon tulad ng kidnappings, serious illegal detention, rebellion at murder ay burado na sa sandaling palayain na sila.
“Wala na iyan. That will be part of pardon or amnesty, usually if it is a large number of people, it is amnesty. Ako naman, I am offering my round of peace in good faith. So lahat tayo must deal in good faith. Wala akong agenda so huwag mo akong lokohin,” dagdag pa ni Duterte.
Idinagdag pa ng incoming president, ang tanging kondisyon para palayain nito ang mga political prisoners ay sumali sila sa peace talks.
“Good faith yong show of confidence-building. Sige, bitawan ko na kayo. Mag-usap na tayo dito. Ganoon. Maski hindi maganda takbo ng negotiations.Wala namang negotiations na maganda talaga. Whatever it is, whether it is civil or uncivil, or ill-mannered or good conduct, basta nandiyan na, kapag pag-umpisa niya, sige i-release ko kayo, gusto ninyo and you should take part in the talks. Ayan ang ibig sabihin. I-release muna? Eh kung hindi mag-uwi, saan ko hanapin iyan ngayon,” dagdag pa ng susunod na pangulo.
Wala namang itinakdang deadline si incoming President Duterte sa pagpapalaya sa mga political prisoners.
- Latest
