Sundalo niratrat sa motorsiklo

MANILA, Philippines – Namatay noon din ang isang sundalo matapos na ito ay pagbabarilin ng mga hinihinalang mi­yembro ng New People’s Army (NPA) habang sakay ng kanyang motorsiklo kamakalawa sa Sitio Vicita, Brgy. San Isidro, Libmanan, Camarines Sur.

Kinilala ang biktima na si Sgt. Rodel Rala, 42, may-asawa, ng Brgy. Taisan, Basud, Camarines Norte at detachment commander ng 22 Infantry Batallion, 9th Infantry Division ng Philippine Army na nakabase sa Pag-Oring Nuevo-Libmanan.

Batay sa ulat, dakong alas-10:00 ng umaga ay lulan ang biktima ng kanyang motorsiklo at binabaybay ang lugar nang harangin ng tatlong lalaki at walang kaabog-abog na ito ay pinagbabaril.