Mister na aburido sa buhay, tumalon sa dagat
MANILA, Philippines – Dahil sa pagiging aburido sa buhay ay nagpasya ang isang 35-anyos na mister na magpakamatay sa pamamagitan nang pagtalon sa dagat sa Matnog Port Ramp 4, Brgy. Caloocan, Sorsogon kamakalawa ng gabi.
Ang biktima ay kinilalang si Marlon Alemania, may-asawa, residente ng Brgy. Salkhag, Rosario, Northern Samar.
Batay sa ulat ni SN1 Sergio Palenzuela lV, miyembro ng Philippine Coast Guard, dakong alas-9:57 ng gabi ay nakita niya ang biktima na kasalukuyang nakatayo sa nasabing pandawan nang bigla itong tumalon sa dagat.
Nagsagawa nang search and rescue operation ang Coast Guard at naiahon ang katawan ng biktima na mabilis dinala sa ospital, subalit idineklarang dead on arrival.
- Latest