Pamilya, 3 minasaker
MANILA, Philippines – Tatlong miyembro ng isang pamilya ang nasawi nang sila ay pagbabarilin sa loob ng kanilang bahay sa Sitio Buling-buling, Brgy. Suh, Panamao, Sulu, kamakalawa.
Ang mga nasawi ay kinilalang sina Laih Mamih, 50; Kiran Laih, 18; at Salmalin Laih, 15, na nagtamo ng maraming tama ng bala sa iba’t ibang bahagi ng katawan.
Pinaghahanap ang 5 suspek habang naaresto sina Rasmar Appal Benar Jumar at Timmah Magindi, ng Sitio Wanni, Brgy. Pansul, Patikul, Sulu.
Batay sa ulat ng Panamao Municipal Police Station, umaga nang matagpuang patay ang mga biktima sa loob ng kanilang bahay.
Malaki ang hinala ng pulisya na ang pagpatay sa pamilya ay may kaugnayan sa away-angkan sa lugar na ang ugat ng awayan ay tungkol sa mga pag-aaring lupain.
- Latest