Padyak boy naibunyag ang sumaksak bago namatay

MANILA, Philippines – Bago nalagutan ng hininga ang isang 38-an­yos na pedicab driver na si Brian Macasadia ay nasabi nito sa misis kung sino ang sumaksak sa kanya naganap kahapon ng madaling araw sa Tondo, Maynila.

Ang suspek ay kinilala sa alyas “Ar-Ar Panicam,”nasa 25-30 anyos, residente ng Gate 5, Parola Compound, Tondo.

Batay sa ulat, bandang ala-1:45 ng mada­ling araw nang saksakin ang biktima habang ito ay natutulog sa bangketa katabi ang misis na si Shiela, 24 at ang kanilang anak.

Habang nakahandusay ay nagising na ang misis at nasabi nito kung sino ang sumaksak sa kaniya.