83-anyos lola, pari nagsampalan sa simbahan
MANILA, Philippines – Sa loob mismo ng simbahan sinampal ng isang pari ang isang 83-anyos na lolang deboto dahil sa isang mainitang pagtatalo na naganap kamakalawa sa Bacolod City, Negros Occidental.
Sa ulat ng Bacolod City Police Station 8, dakong alas-11:00 ng umaga nang dumulog sa pulisya ang paring itinago sa pangalang Fr. Rex para ireklamo ang matanda na itinago naman sa pangalang Lola Dionisia.
Sa reklamo ng nasabing pari, dakong alas-9:45 ng umaga ng sumugod sa kanilang parokya ang matanda at sa hindi pa malamang kadahilanan ay nagsampalan ang mga ito na tanging nakasaad sa police blotter na inireklamo ni Fr.Rex.
Ilang oras matapos magreklamo ang pari ay sumugod din sa presinto si Lola Dionisia at inireklamo naman ng physical injury si Fr. Rex dahil sa pananampal sa kaniya.
Ini-refer naman ng pulisya sa barangay ang nasabing usapin.
- Latest
