Misis tinodas ng ex-lover
MANILA, Philippines - Todas ang isang misis habang kritikal ang tiyuhin nito makaraang pagbabarilin ng ex-lover ng ginang na naganap sa Rodriguez St. Barangay Kalalake, Olongapo City kahapon ng umaga.
Ang biktima na dead-on-the-spot ay kinilalang si Lourdes Arangorin, 42, residente sa nasabing lugar. Nabatid na ang krimen ay naganap dakong alas-7:30.
Isang bala ang tumama sa ulo na tumagos sa bibig ng biktima na naging dahilan ng kanyang agarang pagkamatay.
Nasa kritikal naman ngayon sa James Gordon Memorial Hospital si Carlito Manlapaz, tiyuhin ng biktima na may dalawang tama ng baril sa ulo at leeg.
Kinilala naman ang suspek na si Gaspar Manlapaz, 42 anyos tricycle driver residente rin nasabing barangay.
Ayon sa ina ng biktima, selos umano ang dahilan ng nangyaring krmen.
Dati umanong nagsasama ang suspek at si Lourdes ngunit dahil umano sa pananakit at sobrang selos nakiÂpaghiwalay ang biktima na hindi matanggap ng suspek. Napagbuntunan ng galit ang tiyuhing si Carlito at pinagbintangang may relasyon umano ang dalawang biktima.
- Latest
