Sa naganap na karahasan sa paaralan…PNoy nakiramay sa US
MANILA, Philippines - Agad na nagpaabot ng pakikiramay si Pangulong Benigno Aquino III sa bansang Amerika na ngayon ay nagluluksa dahil sa nangyaring karahasan sa Sandy Hook Elementary School Newtown sa Connecticut kung saan 27 katao ang naging biktima ng pamamaril na kinabibilangan ng nasa 20 bata kamakalawa ng gabi.
Sinabi ng Pangulo, na nais niyang ipahatid ang kaniyang pakikiramay lalo na sa pamilya ng mga biktima na nagluluksa sa pagkawala ng kanilang minamahal sa buhay.
Ayon pa sa Pangulo ipagdarasal din na hindi na maulit ang nasabing karahasan kung saan mayorya sa mga namatay ay mga batang may edad mula 6 hanggang 10 taong gulang.
“We pray for healing, and that this heartbreak will never be visited on any community ever again,” anang Pangulo. Maging si Deputy Presidential spokesperson Abigail Valte ay nagpahayag ng kalungkutan sa trahedyang nangyari sa Connecticut.
- Latest
