Ilocos Sur niyanig ng 4.4 na lindol

MANILA, Philippines - Isang 4.4 na lindol ang nagpayanig sa karaga­tang sakop ng Santa Catalina, Ilocos Sur kahapon ng madaling araw.

Sa ulat ng Philippine Institute of Volcano­logy and Seismology (PHIVOLCS), ganap na  alas-2:40 ng madaling-araw nang maitala ang pagyanig sa nasabing lugar.

Ang sentro ng lindol ay naramdaman sa la­yong 38 kilometro hilagang-kanluran ng Santa Catalina. Tectonic ang origin ng lindol na may lalim ng 26 na kilometro.

Naramdaman din ang intensity 3 sa San Vicente, Cauayan, Ilocos Sur at Vigan City. Habang intensity 2 naman sa Bantay, Narvacan, Sta. Maria, Burgos, Ilocos Sur. Wala namang naiulat na sugatan o pin­sala ang nabanggit na pagyanig.