April fight ni Pacquiao ginarantiyahan ni Arum
MANILA, Philippines — Nabulilyaso man ang laban sana ni Manny Pacquiao kay ‘pound-for-pound’ king Vasyl Lomachenko ay tiniyak pa rin ni Bob Arum ng Top Rank Promotions na aakyat sa boxing ring si ‘Pacman’ sa Abril.
Sa panayam ng ABS-CBN North America Bureau ay sinabi ni Arum na isang espesyal na comeback fight ang pinaplano niya para kay Pacquiao, huling lumaban noong Hulyo 2 kung saan siya natalo kay Jeff Horn at naisuko ang suot na World Boxing Organization welterweight crown.
“We certainly have the plans and who the opponent is but I’m not going to say it until Manny approves it and maybe we are looking for a possibility of doing something very, very unique for Manny,” wika ni Arum.
Ang nasabing laban ay maaaring gawin sa Madison Square Garden sa New York City.
“Something that he would love because he mentioned it to me at one time and that is to fight in the Madison Square Garden in the big garden and in the big stage,” sabi ng veteran promoter.
Bumagsak ang usapan para sa pagsagupa ni Pacquiao (59-7-2, 38 KOs) kay Lomachenko (10-1-0, 8 KOs) sa isang catchweight fight sa Abril.
Ito ay dahil ayaw ng ama at manager ni Loma-chenko na umakyat ng weight class ang WBO super featherweight titlist para sagupain ang 39-an-yos na si Pacquiao.
Bukod kay Lomachenko, sinasabing ikinukunsidera din ni Arum na ilaban kay Pacquiao ang sinuman kina dating British world light welterweight king Amir Khan at Mike Alvarado.
Inihahanda ni Arum si Pacquiao para isagupa sa mananalo sa championship fight nina WBO welterweight king Horn (18-0-1, 11 KOs) at mandatory challenger Terence Crawford (32-0-0, 23 KOs) sa Nobyembre. (RCadayona)
- Latest
