Wang’s-Letran nakihilera sa unahan
Tinatakasan ni Bonbon Batiller ng Wang’s-Letran ang dumidepensang si Philip Manalang ng AMA Online sa isang tagpo ng kanilang laban. PBA D-League Image
MANILA, Philippines — Humanay ang Wang’s-Letran sa pamumuno matapos ang 93-75 panalo kontra sa AMA Online Education kahapon sa 2018 PBA D-League Aspirants Cup sa Pasig City Sports Center.
Sa umpisa lamang nakatikim ng kalama-ngan ang Titans nang buksan nila ang first quarter sa pamamagitan ng 4-0 run ngunit gumanti ang Couriers ng 9-0 run upang agawin ang bentahe na hindi na nila binitawan hanggang matapos ang laban.
Mula sa tatlong puntos na kalamangan sa first quarter, pinalaki ito ng Wang’s sa 44-35 sa halftime at pinalobo sa pagtatapos ng third quarter, 67-52.
Tuluyan nilang ibinaon ang Titans sa fourth quarter kung saan uma-bot pa sa 22-puntos ang kanilang bentahe, 81-59.
Pinangunahan ng transferee mula sa UE na si Bonbon Batiller ang panalo sa itinala nitong 15-puntos kasunod si JP Calvo na may 13-puntos.
Nasayang naman ang game high na 20-puntos ni Michael Ca?ete dahil bigo siyang ipanalo ang Titans.
Sa ikalawang laro, nakabalikwas ang Zark’s Burger-Lyceum sa na-tamong kabiguan noong opening day sa kamay ng Marinerong Pilipino makaraang igupo ang Batangas-Emilio Aguinaldo College, 112-75.
Nagtala ng double-double na 21-puntos at 10 rebounds si reigning NCAA MVP CJ Perez, 12-dito ay isinalansan niya sa third canto kung saan kumawala ng tuluyan ang Jawbreakers at iposte ang 84-47 bentahe patungo sa huling 10 minuto ng laro mula sa 48-33 kalamangan noong first half.
Tumapos ng double-double na 15-puntos at 10-rebounds si MJ Ayaay gayundin si Mike Nzeusseu na may 14-puntos at 11 rebounds para sa Pirates.
Nanguna naman para sa Generals sina Earvin Mendoza at Cedric de Joya na may tig -15 pintos. (FML)
- Latest
