Orlando sinilat ang Boston

BOSTON -- Umiskor ang Orlando Magic ng 32 points sa kabuuan ng third quarter para kunin ang 103-95 panalo laban sa Celtics.

Ito ang ikatlong tagumpay ng Orlando kontra sa mga NBA Eastern Conference leaders.

“It feels good to get a win, especially after playing well,” sabi ni Elfrid Payton, humataw ng 22 points para sa Magic. “We felt we played well against the Cavaliers and didn’t come out with the victory. So to get the win today feels good.”

Nauna nang naipatalo ng Orlando ang 14 nilang laro sa Boston simula noong Pebrero ng 2010.

Nag-ambag si Evan Fournier ng 19 points at kumolekta si Aaron Gordon ng 11 points at 12 rebounds para sa Magic, napasama sa three-way tie para sa  worst record sa NBA.

Sa kanya namang pagbabalik sa line-up ay kumamada si Kyrie Irving ng 40 points para sa Celtics, nalasap ang ikatlong sunod na kamalasan ngayong season.

Hindi nakalaro si Irving sa pagkatalo ng Celtics laban sa Philadelphia 76ers dahil sa shoulder injury.

“We haven’t played consistently on both ends for a while now,” wika ni Boston coach Brad Stevens. “I felt like they were shooting layups for the most part tonight.”

Nagdagdag si Jaylen Brown ng 17 points habang may 12 markers si Marcus Morris para sa Celtics.

Nagpasabog ang Orlando ng 32 points sa third quarter matapos iwanan ng Boston sa halftime, 58-59 para kunin ang  90-71 kalamangan papunta sa final canto.

Sa Indiana, tumipa si Victor Olapido ng 19 points at tinapos ng Pa-cers ang 14-game home winning streak ng San Antonio Spurs mula sa kanilang 94-86 panalo.

Umiskor si Darren Collison ng 15 points para sa Indiana, winakasan ang three-game losing skid sa San Antonio.

Nagtala si Pau Gasol ng 14 points para sa Spurs, naglaro na walasina injured Manu Ginobili, Rudy Gay at Kawhi Leonard.

Sa Los Angeles, bumanat si Fil-Am guard Jordan Clarkson ng 29 points at 10 assists habang nagdagdag si Julius Randle ng 27 points at 12 rebounds para akayin ang Lakers sa 127-107 pagdurog sa New York Knicks.

Nagdagdag si Kyle Kuzma ng 15 points para sa Lakers, naipanalo ang anim sa kanilang huling walong asignatura.