Texters kumonekta

MANILA, Philippines — Bagama’t noong Sa­bado pa nagdiwang ng kan­yang ika-26 kaara­wan si Troy Rosario ay may dahilan pa rin siya pa­ra magsaya.

Kumamada si Rosario ng 22 points, kasama dito ang 6-of-10 shooting sa three-point line, para tulungan ang TNT Katro­pa na patumbahin ang Me­ralco, 99-81, sa 2018 PBA Philippine Cup ka­ha­pon sa Ynares Center sa Antipolo City.

Ito ang ikalawang di­kit na panalo ng Tropang Texters kasabay ng pag­papatikim sa Bolts ng pa­ngatlong dikit na kama­lasan.

Sinamantala TNT Ka­tropa ang pag-upo ng mga may injury na sina Me­ralco big man Rani­del De Ocampo at Cliff Hodge.

“We knew going to this game that Meralco was undermanned, so ang mentality namin was to really take advantage of that,” sabi ni Tropang Texters’ head coach Nash Racela sa Bolts ni one-time PBA Grand Slam champion mentor Norman Black.

Nagdagdag si guard RR Gar­cia ng 18 points, habang umiskor ng 15 at 12 markers sina RR Po­goy at Jayson Castro, ayon sa pagkakasunod.

“Pagpasok namin sa game kami ang team na may pinakamababang field­goal shooting, kaya ka­ilangan talaga naming magtrabaho nang husto,” sabi ng 6-foot-7 na si Rosario.

Kaagad kinuha ng TNT Katropa ang 16-3 bentahe mula sa triple ni Rosario sa 6:29 minuto nito patungo sa pagtatala ng 34-18 kalamangan sa 9:35 minuto ng second pe­riod hanggang ilista ang 22-point lead, 92-70.

TNT KATROPA 99 - Ro­sario 22, Garcia 18, Po­goy 15, Castro 12, Reyes 10, Se­merad 10, Hernandez 3, Carey 3, Williams 2, Torres 2, Tautuaa 2, Onwubere 0, Golla 0.

Meralco 81 - Amer 20, Dillinger 14, Canaleta 11, Tolomia 8, Newsome 6, Lanete 5, Hugnatan 4, Bono 4, Ballesteros 3, Faundo 3, Baracael 2, Se­du­rifa 1, Salva 0, Caram 0.

Quarterscores: 27-18; 46-36; 73-62; 99-81.