Pacquiao-Lomachenko posible pa
MANILA, Philippines — Kahit na tumanggi ang manager ni Vasyl Lomachenko sa isang catchweight fight kay Manny Pacquiao sa Abril ay may tsansa pa rin silang maglaban.
Ito ay kung papayag ang ama ng Ukrainian ‘pound-for-pound’ king sa panukala ni Bob Arum ng Top Rank Promotions.
“Lomachenko will be having a fight that will probably be at 135 at the end of April,” sabi ni Arum sa panayam ng Las Vegas Review Journal.
“Lomachenko’s father (Anatoly) would then need to give him permission to fight Manny at 140 pounds in the fall, and that’s a fight we’ll hopefully might want to put in Las Vegas if a building is available,” dagdag pa nito.
Nauna nang pinabulaanan ni Egis Klimas, ang manager ni Lomachenko (10-1-0, 8 KOs), na tuloy ang laban ng World Boxing Organization super featherweight king kay Pacquiao (59-7-2, 37 KOs) sa Abril.
Sinabi ni Klimas na wala silang mapapala kung tatalunin ng 29-anyos na si Lomachenko ang 39-anyos na si Pacquiao.
Huling nakita sa ibabaw ng boxing ring si Pacquiao noong Hulyo 2 kung saan siya natalo kay Jeff Horn via unanimous decision at nahubaran ng WBO welterweight crown sa Brisbane, Australia.
- Latest
